Erdogan: Ez ji ber mirina Xameneyî pir xemgîn bûm

RûpelNews - Recep Tayyip Erdogan ji hesabê xwe yê medyaya civakî peyamek weşand û ji mirina Xamineyî hestên xemgîniya xwe anî ziman. Erdogan ji gelê Îranê re serxweşî xwest û taziyên Tirkiyeyê ragihand. Wî bal kişand ser girîngiya bidawîbûna tansiyona herêmî û bang li dîplomasiyê kir.

Erdogan di peyama xwe de wiha got:

“Ez ji mirina Rêberê Olî yê Îranê Elî Xamineyî, ku di encama êrîşan de jiyana xwe ji dest da, xemgîn im. Ji bo wî rehmet ji Xwedê û ji bo gelê bira yê Îranê serxweşî dixwazim.”

“Hewldanên me ji bo vegera dîplomasiyê dê bidomîne”

Erdogan di daxuyaniya xwe de da zanîn ku Tirkiye ji bo aştiya herêmî û aramiyê berpirsiyariyê didomîne. Wî diyar kir ku divê şert û mercên pevçûnê bi dawî bibin û gelên herêmê bi aramî û ewlehiyê bijîn. Tirkiye diyar kir ku dê hewlên xwe yên dîplomatîk bi biryardarî bidomîne.

Wî diyar kir ku Tirkiye dê ji bo aramiya herêmê berdewam kar bike û got:
“Em wek Tirkiye dê ji bo ku gelê Îranê û hemû dost û bira yên herêmê bigihin aramiya ku heq dikin, ji bo bidawîbûna şer û vegera dîplomasiyê, hewlên xwe bi biryardarî bidomînin.”

“Nayê qebûlkirin”

Erdogan piştî destpêkirina êrîşan di daxuyaniya xwe ya pêşîn de got ku Tirkiye êrîşên Amerika û Îsraîlê yên ku aramiya gelê Îranê xera dikin, qebûl nake.

Wî wiha hişyarî da:
“Ger qad ji aqilmendiyê re neyê vekirin, herêma me dibe ku bikeve nav çembereke agir.”

Erdogan bang li hemû aktorên navneteweyî kir ku ji bo nehêlan ku herêm zêdetir zirar bibîne, bi taybetî alema Îslamê, bi lez gav bavêjin ji bo çareseriyê.

Êrîşên ku di 28ê Sibatê de dest pê kirin

Tê ragihandin ku Amerika û Îsraîl di demekê de ku nîgotişên di navbera Tahran û Washingtonê de didomîn, di 28ê Sibatê de li dijî Îranê operasyonek leşkerî dest pê kir.
Li gor çavkaniyên Amerîkayî û Îsraîlî, di van êrîşan de ne tenê Xemaneyî, lê gelek berpirsiyarên bilind jî jiyana xwe ji dest dane.